“Babai ishte personi i parë që më njoftoi sepse ai e kishte parë listën në internet por ishte me të vërtetë emocionuese për mua dhe unë sinqerisht nuk e mendoja që do ta fitoja…”
Genti Daku është ambasadori më i mirë i Shqipërisë në SHBA. Falë punës dhe përkushtimit të tij, studenti shqiptar arriti të renditet ndër më të mirët në këtë vend dhe të dekorohet nga presidenti i SHBA.
Studenti shqiptar Genti Daku është dekoruar nga presidenti i Shteteve të Bashkuara të Amerikës, Barack Obama, si një ndër studentët më të mirë të këtij shteti.
Genti Daku nxënës i shkollës së Backburgut, më pas student i Harvard-it ia ka arritur që kaq i ri të jetë i suksesshëm. Zgjedhja e tij mes 129 studentëve të tjerëve u bë pas rezultateve të tij të SAT-it, në matematikë dhe lexim. Genti kishte kapur 2390 pikë.
“Babai ishte personi i parë që më njoftoi sepse ai e kishte parë listën në internet por ishte me të vërtetë emocionuese për mua dhe unë sinqerisht nuk e mendoja që do ta fitoja”, rrëfen momentin e marrjes së lajmit të bukur studenti i shkëlqyer shqiptar.
“Unë pata rekomandim nga këshilltari im i cili më udhëzoi të shkruaja gjashtë ese. Ishin ese në lidhje me ndikimin që kam pasur në komunitetin tim, bindjet e mia”, rrëfen Genti për mediet amerikane.
Ai njëkohësishtshkroi për fondacionin e prindërve të tij “Fondacioni Shqiptar i së Ardhmes”, ku Genti u mëson të rinjve anglisht. Ai u shpall gjysmë-finalist dhe më 4 maj mori lajmin e mirë.
Studentët shqiptarë kanë treguar aftësitë e tyre duke rrëmbyer medalja përtej kufijve. Vetëm pak ditë më parë ishte Gledi Kallço nga Durrësi i cili u rendit i treti në Olimpiadën Ndërkombëtare të Matematikës që u zhvillua në Hong-Kong.
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
