Portalishkollor
  • SHQIPËRI
  • KOSOVË
  • MAQEDONI E VERIUT
Hyr
Regjistrohu
  • Mësuesi
    Kategori
    Metoda mësimdhënieje
    Ligje dhe udhëzime
    Zhvillimi profesional
    Profile
    Podcast
    Youtube
  • Nxënësi
    Kategori
    Provime klasa 5-të
    Provime klasa 9-të
    Matura
    Profile
    Ushtrohu
    Provo veten (Google forms)
    Argëtim
    Krijimet e mia
    Unë pyes
    Podcast
    Youtube
  • Prindi
    Kategori
    Ushtrohu me fëmijën
    Pyes për fëmijën
    Informacione të dobishme
    Prindërimi
    Podcast
    Psikologji
  • Pas Shkolle
    Kategori
    Këshilla
    Kuriozitete
    Jeto shëndetshëm
    Lojëra
    Kulturë
    Teknologji dhe shkencë
    Fjala juaj
    Rregullat gjuhësore
  • Albas
    Kategori
    QTPA
    Botimet
    YouTube
  • platforma Albas e-libër
Reading: Ja përse fëmija juaj ngatërron, p-në me q-në
Share
PortalishkollorPortalishkollor
Font ResizerAa
Search
  • Home
    • Home 1
    • Home 2
    • Home 3
    • Home 4
    • Home 5
  • Categories
  • Bookmarks
  • More Foxiz
    • Sitemap
Follow US
© 2022 Foxiz News Network. Ruby Design Company. All Rights Reserved.
Kuriozitete

Ja përse fëmija juaj ngatërron, p-në me q-në

portalishkollor
Last updated: October 14, 2017 8:58 am
portalishkollor
Share
SHARE

Ndodh rëndom që fëmijët e moshës parashkollore e të klasave fillore të ngatërrojnë numrin 6 me 9 ose shkronjat p me q, d me b etj. Kjo është e kuptueshme ngaqë grafikisht forma e këtyre dysheve është e ngjashme, ndryshon vetëm pozicioni.

(Provoni ta vini fletën e shkruar me një nga këto shkronja pingul me sipërfaqen e një pasqyre.) Kjo dukuri duket normale, dhe në fillim u ndodh pjesës më të madhe të fëmijëve, ngaqë e kanë për herë të parë shkrimin, ende nuk e kanë fiksuar ose nuk dallojnë saktë të majtën nga e djathta. Por shkak i këtij ngatërrimi (të shkronjave dhe numrave) mund të jetë disleksia, vështirësia në interpretimin e simboleve grafike.

Çfarë është disleksia?

Truri i njeriut ka dy hemisfera, njëra prej të cilave është më e zhvilluar. Shumica e njerëzve kanë të zhvilluar hemisferën e majtë, ku ndodhen zonat e të lexuarit, të të shkruarit, e të të folurit; në të cilat përftohet vëmendja, llogaritja, leximi etj. Për këta njerëz, përvetësimi i njohurive të leximit dhe shkrimit ndodh pa probleme.

Por ka edhe një pakicë njerëzish që kanë të zhvilluar hemisferën e djathtë e trurit, ku ndodhen qendrat e imagjinatës e të krijimit. Njerëzit disleksikë vëzhgojnë dhe mendojnë ndryshe, i perceptojnë gjërat në detaje të imtësishme, por e kanë shumë të vështirë të përqendrohen vetëm në një detaj. Ky nuk është një problem që ka të bëjë me shikimin. 

Ata e kanë të zhvilluar aftësinë tredimensionale të orientimit hapësinor, ndaj e kanë të vështirë të përqendrohen në perceptimin dydimensional (siç është fleta). Kanë shumë intuitë dhe imagjinatë, shpejtësi të lartë mendimi, mprehtësi, por nuk arrijnë të përqendrohen.

Këta fëmijë përdorin më shumë dorën e majtë, kanë vështirësi në të veshur, në të mbërthyerin e bluzave , në lidhjen e këpucëve etj., si dhe kanë vështirësi në koordinimin e veprimeve, si të kërcyerit, të vrapuarit, të hedhurit e topit etj.

Çdo fëmijë e vuan të qenët ndryshe nga të tjerët. Çfarë është e gabuar me mua? Pse nuk mundem të mësoj të lexoj dhe shkruaj mirë, edhe pse përpiqem shumë?

Të qenët ndryshe nga të tjerët është e mundimshme për çdokënd, aq më shumë për një fëmijë. Në shkollë ai ndihet i pasuksesshëm e i paaftë. Ndaj duhet punuar shumë që ata të rrisin vetëvlerësimin. Mungesa e suksesit në shkollë kompensohet me gjenialitetin në fusha të ndryshme.

Historia ka treguar se pikërisht njerëzit me disleksi që kanë jetuar në periudha të ndryshme vendimtare të njerëzimit, kanë kontribuar në progresin e saj. Shumë njerëz të njohur dhe të suksesshëm kanë qenë disleksikë, si Leonardo da Vinçi, Stiv Xhobsi, Anderseni, Valt Dizneji, Van Gogu, Ajnshtajni, Agata Kristi etj.

Fëmijët disleksikë ballafaqohen me këtë sëmundje që në moshë të hershme dhe kanë nevojë për mbështetje. Kush më mirë se prindërit e mësuesit mund t’ia dallojnë këtë anomali dhe ta mbështesin e ta inkurajojnë në talentin dhe kreativitetin e tyre, të vlerësojnë pikat e forta të fëmijës?! Për ta duhen kërkuar rrugë të tjera të dijes e të të nxënit (jo thjesht me anë të leximit dhe shkrimit.), për shembull, kërkime, eksperimente, të mësuarit përmes përdorimit të materialeve të pikturës, pra, të mësuarit aktiv dhe, sidomos, të ushtruarit.

Kjo sëmundje mund të trajtohet me efikasitet nëse zbulohet që në stadet e hershme. Mjeku që trajton këtë sëmundje quhet logopedist.

Prejardhja e fjalës disleksi

Fjala disleksi vjen nga greqishtja dhe ka kuptimin “i folur i mangët”. Mendohet se 6-17 % e popullatës preket nga kjo sëmundje, duke filluar nga stadet më të lehta deri tek ato më të rënduarat. Sa i takon përhapjes, disleksia prek si djemtë, ashtu dhe vajzat, por format më të shpeshta hasen te djemtë (raporti është 4:1), që shoqërohet shpesh edhe me probleme të sjelljes, si mungesa e përqendrimit në klasë apo sjellja problematike (grindja me shokët, kundërshtimi i mësuesve etj.). Kjo sëmundje në të shumtën e rasteve kalon pa u vënë re, derisa fëmijët arrijnë klasat e ciklit të mesëm e të lartë, ku shfaqin paaftësi të pjesshme apo të plotë në lexim dhe kuptim teksti. Për shkak të mosinformimit, këta fëmijë trajtohen nga mësuesit apo dhe nga vetë prindërit si fëmijë dembelë dhe të papërqendruar.

© Portali Shkollor- Të gjitha të drejtat e rezervuara. Ndalohet kopjimi pa lejen tonë. 

Subscribe to Our Newsletter
Subscribe to our newsletter to get our newest articles instantly!
[mc4wp_form]
TAGGED:disleksiafemijeprinder
Share This Article
Email Copy Link Print
Previous Article Shkolla qendër komunitare, plani vjetor i shkollës
Next Article Hartimi i planit vjetor të shkollës për nxënësit me AK
Leave a Comment

Leave a Reply Cancel reply

Your email address will not be published. Required fields are marked *

  • Portali shkollor
  • > Redaksia
  • > Termat e përdorimit
  • > Pyetje të shpeshta dhe ndihmë
Kontakt

> (+355) 04 231 9002
> info@portalishkollor.al
> Autostrada Tiranë-Durrës, km 4

> (+355) 04 231 9002
> info@albas.al
> Autostrada Tiranë-Durrës, km 4

Facebook Youtube Instagram
www.albas.al
www.librarialbas.al

2025 © albas group

Welcome Back!

Sign in to your account

Username or Email Address
Password

Lost your password?