Portalishkollor
  • SHQIPËRI
  • KOSOVË
  • MAQEDONI E VERIUT
Hyr
Regjistrohu
  • Mësuesi
    Kategori
    Metoda mësimdhënieje
    Ligje dhe udhëzime
    Zhvillimi profesional
    Profile
    Podcast
    Youtube
  • Nxënësi
    Kategori
    Provime klasa 5-të
    Provime klasa 9-të
    Matura
    Profile
    Ushtrohu
    Provo veten (Google forms)
    Argëtim
    Krijimet e mia
    Unë pyes
    Podcast
    Youtube
  • Prindi
    Kategori
    Ushtrohu me fëmijën
    Pyes për fëmijën
    Informacione të dobishme
    Prindërimi
    Podcast
    Psikologji
  • Pas Shkolle
    Kategori
    Këshilla
    Kuriozitete
    Jeto shëndetshëm
    Lojëra
    Kulturë
    Teknologji dhe shkencë
    Fjala juaj
    Rregullat gjuhësore
  • Albas
    Kategori
    QTPA
    Botimet
    YouTube
  • platforma Albas e-libër
Reading: Historia e suksesit të drejtoreshës së shkollës “Misto Mame”, Ariana Maçi
Share
PortalishkollorPortalishkollor
Font ResizerAa
Search
  • Home
    • Home 1
    • Home 2
    • Home 3
    • Home 4
    • Home 5
  • Categories
  • Bookmarks
  • More Foxiz
    • Sitemap
Follow US
© 2022 Foxiz News Network. Ruby Design Company. All Rights Reserved.
Uncategorized

Historia e suksesit të drejtoreshës së shkollës “Misto Mame”, Ariana Maçi

portalishkollor
Last updated: March 6, 2020 1:39 pm
portalishkollor
Share
SHARE

Drejtoresha e shkollës “Misto Mame”, Ariana Maçi, në prag të festës së mësuesit, vjen në një intervistë për Portalin Shkollor, duke ndarë eksperiencën e saj të gjatë, si mësuese dhe drejtuese.

Ariana Maçi: Shkolla “Misto Mame”, një vatër atraktive për nxënësit, mësuesit dhe komunitetin.

Ariana Maçi, drejtoresha e shkollës “Misto Mame”, rrëfen rëndësinë e jastëzakonshme të mësuesit dhe rolit të tij. Mësuesi, sipas saj, është trashëgimtari dhe arkitekti i mendimit. Në këtë ditë, prag festës së 7-marsit, ajo zgjedh jo vetëm të urojë, por edhe të ndajë mesazhe kuptimplota për të gjithë arsimtarët e tjerë. 

Çfarë përfaqëson për ju ky profesion?

Në botë ka mijëra profesione, por më interesanti, më tërheqësi dhe burimi i të gjithë profesioneve të tjera është mësuesia, që për fatin tonë nuk është vetëm profesion, por edhe mision. Jo çdokush mund të bëhet mësues. Mësuesi është trashëgimtari dhe arkitekti i mendimit. Është prindi që hyn në zemrën, mendjen e aftësitë e çdo fëmije me një besim të palëkundur për ta. Ai është kreativ, i palodhur, shumë i duruar, për të krijuar vlera të padiskutueshme tek këta fëmijë. Është ai që shqetësohet për të gjetur shtigje nga më të ndryshmet, për t’u falur dritë si mendjeve, ashtu edhe shpirtit të nxënësve.

Cila është sfida më e madhe në drejtimin e kësaj shkolle?

Në një karrierë prej 23 vitesh drejtimi, sigurisht që sfidat kanë qenë të shumta. Për mua, sfida më e madhe në drejtimin e një shkolle është aftësia për ta kthyer shkollën në një vatër atraktive për nxënësit, mësuesit dhe komunitetin. Për të arritur sukses në këtë sfidë, duhet të jesh mik me secilin nga këta aktorë, të kuptosh individualitetin e secilit dhe pa u lodhur t’i shërbesh deri ne fund. Çdo moment i shërbej synimit që edukimi, mësimi, loja e kënaqësia për t’i realizuar mos të ndahen kurrë nga njëra-tjetra.

Si i mbani të motivuar mësuesit e shkollës që drejtoni?

Jo unë, por të gjithë bashkë mbajmë njëri-tjetrin me dashuri, respekt të ndërsjelltë dhe mirëkuptim. Ne të gjithë jemi një ekip, që çdo moment e mirëkuptojmë dhe bashkërendojmë punën si pjesë komplementare të një pazëlli të madh. Detyrimi im është që çdo individ që hyn në shkollën “Misto Mame” të vijë e të largohet me gëzim e me besim të plotë për ato që ju ofrohen nga shkolla. Sigurisht që në thelbin e saj, qëndron puna e kualifikuar. Këto janë arsyet që shkolla ku ne punojmë prej disa vitesh po qëndron në krye të Kartës së Performancës së Tiranës.

Çfarë kujtimi ruani nga ish nxënësit?

Në 36 vite pune sigurisht ka shumë raste, por unë jam e mrekulluar nga një ish nxënës me aftësi ndryshe që pas disa vitesh që e takova, jo vetëm që më njohu, por dhe më ftoi të pija një kafe në lokalin ku ai punonte. Nuk kishte kënaqësi më të madhe se të shikoje që ky individ ishte bërë i dobishëm për veten, familjen dhe shoqërinë. 

Cili është qëndrimi juaj në lidhje me reputacionin e mësuesit?

Nuk ka dyshim që të gjithë besojmë që reputacioni i mësuesit duhet të jetë sa më i lartë. Kjo zë fill që në zgjedhjen e profesionit. Ështe pozitiv fakti që në vitet e fundit ka përpjekje serioze për përzgjedhjen e nxënësve më cilësorë për të studiuar për mësuesi. Mendoj që dhe autonomia financiare e shkollës jep rezultate për vlerësimin e mësuesit.

Si keni zgjedhur të festoni këtë ditë?

Festa ka ditë që ka nisur në shkollë. Sipas grafikut po bëhen festa me nënat e mësueset në klasa të ndryshme. E reja e dy viteve të fundit është nisma: “Një pemë për ty mësuesja ime”. Pra, mbillet nga nxënësit pemë. Në këtë mënyrë ata kontribuojnë edhe për ambientin. Më vjen mirë që po rrisim fëmijë ambientalistë dhe që e duan natyrën. Përveç të tjerash kemi planifikuar një festë të përbashkët në Prizren me kolegët nga Kosova. Le të shërbejë kjo ditë edhe për të ndarë eksperienca me ta. 

A keni një mesazh që dëshironi ta ndani me kolegët tuaj me rastin e festës së mësuesit? 

Dua të uroj të gjithë mësuesit, pikërisht ata që ndërtojnë me durim të ardhmen e çdo individi. Në këtë ditë feste, me mirënjohje dhe respekt: “Gëzuar 7 Marsin dhe faleminderit për përkushtimin, dashurinë dhe edukimin që jepni brez pas brezi.

Parajsa Shtini

© Portali Shkollor – Të gjitha të drejtat e rezervuara. Ndalohet kopjimi pa lejen tonë.

Subscribe to Our Newsletter
Subscribe to our newsletter to get our newest articles instantly!
[mc4wp_form]
TAGGED:ariana macimisto mameshkolla
Share This Article
Email Copy Link Print
Previous Article Formular vlerësimi i performancës së mësuesit
Next Article Sevasti dhe Parashqevi Qiriazi, mësueset e para të gjuhës shqipe
Leave a Comment

Leave a Reply Cancel reply

Your email address will not be published. Required fields are marked *

  • Portali shkollor
  • > Redaksia
  • > Termat e përdorimit
  • > Pyetje të shpeshta dhe ndihmë
Kontakt

> (+355) 04 231 9002
> info@portalishkollor.al
> Autostrada Tiranë-Durrës, km 4

> (+355) 04 231 9002
> info@albas.al
> Autostrada Tiranë-Durrës, km 4

Facebook Youtube Instagram
www.albas.al
www.librarialbas.al

2025 © albas group

Welcome Back!

Sign in to your account

Username or Email Address
Password

Lost your password?