Portalishkollor
  • SHQIPËRI
  • KOSOVË
  • MAQEDONI E VERIUT
Hyr
Regjistrohu
  • Mësuesi
    Kategori
    Metoda mësimdhënieje
    Ligje dhe udhëzime
    Zhvillimi profesional
    Profile
    Podcast
    Youtube
  • Nxënësi
    Kategori
    Provime klasa 5-të
    Provime klasa 9-të
    Matura
    Profile
    Ushtrohu
    Provo veten (Google forms)
    Argëtim
    Krijimet e mia
    Unë pyes
    Podcast
    Youtube
  • Prindi
    Kategori
    Ushtrohu me fëmijën
    Pyes për fëmijën
    Informacione të dobishme
    Prindërimi
    Podcast
    Psikologji
  • Pas Shkolle
    Kategori
    Këshilla
    Kuriozitete
    Jeto shëndetshëm
    Lojëra
    Kulturë
    Teknologji dhe shkencë
    Fjala juaj
    Rregullat gjuhësore
  • Albas
    Kategori
    QTPA
    Botimet
    YouTube
  • platforma Albas e-libër
Reading: Drejtori IZHA-s, Janaqi: trajnimet e mësuesve, të vlefshme për punën e tyre
Share
PortalishkollorPortalishkollor
Font ResizerAa
Search
  • Home
    • Home 1
    • Home 2
    • Home 3
    • Home 4
    • Home 5
  • Categories
  • Bookmarks
  • More Foxiz
    • Sitemap
Follow US
© 2022 Foxiz News Network. Ruby Design Company. All Rights Reserved.
Uncategorized

Drejtori IZHA-s, Janaqi: trajnimet e mësuesve, të vlefshme për punën e tyre

portalishkollor
Last updated: April 13, 2018 9:17 am
portalishkollor
Share
SHARE

Për të parë ecurinë dhe dobishmërinë e trajnimeve të mësuesve në shkallë vendi, Portali Shkollor ka zhvilluar një intervistë me drejtorin e IZHA-s, Gerti Janaqi. Për të monitoruar në terren trajnimet dhe cilësinë e tyre, është ngritur një task forcë.

Z.Janaqi si po vijon trajnimi i mësuesve në shkallë vendi? 

ZHVP e mësuesve është një komponent shumë i rëndësishëm në punën e institucionit tonë. Zhvillimi profesional i mësuesve mbulohet në pjesën më të madhe nga IZHA (Instituti i Zhvillimit të Arsimit) nëpërmjet trajnimeve të mësuesve të drejtuesve të rrjeteve profesionale, të drejtuesve të shkollave etj.  Gjithashtu KAPT ka akredituar IAL-të për të ofruar trajnime cilësore me mësuesit. Me ngritjen e portalit të ri trajnime.arsimi.gov.al të gjitha modulet e akredituara nga agjencitë trajnuese janë hedhur në këtë portal rreth 419 module. 

Në fillim u pa nevoja për përmirësim të mësuesve. Por sa i kanë përkrahur ata këto trajnime dhe sa i kanë shërbyer këto të fundit në pjesën praktike përballë nxënësve?  

Trajnimi i mësuesve fokusohet më së shumti në zbatimin e kurrikulës, metodologjinë e mësimdhënies, vlerësimin e nxënësit, portofolin e nxënësve etj., dhe në këtë kuadër ato janë shumë të vlefshme për punën e përditshme të mësuesit. Mësuesit i kanë përkrahur shumë dhe vazhdimisht kërkojnë që të kryejnë trajnime cilësore dhe të vlefshme për punën e tyre duke pasur impakt të drejtpërdrejtë te nxënësi. 

Çfarë temash (module) përfshijnë kryesisht trajnimet? 

Trajnimet fokusohen më së shumti në zbatimin e kurrikulës me bazë kompetencat, metodologjinë e mësimdhënies, vlerësimin e nxënësit, nisma 3 lëndë në 6 orë, përdorimi i TIK në mësimdhënie, portofoli i të nxënit etj.

Nga cilët persona zhvillohen trajnimet? 

Trajnerët janë specialistë të IZHA-s, pedagogë të IAL, por edhe specialistë të tjerë që kanë akredituar modulet e trajnimit, pra KAPT.

Si po i kontrolloni trajnimet apo si po i verifikoni ato? 

Portali trajnimi.arsimi.gov.al krijon një mundësi shumë të mirë për të monitoruar të gjitha trajnimet e zhvilluara. Agjencitë kanë kalendarin e trajnimit për të cilin ne kemi informacion në kohë reale për trajnimet e zhvilluara. Gjithashtu mësuesit regjistrohen në portal, kështu që ne kemi informacion për çdo mësues që merr trajnime nga një agjenci e akredituar. Përpos kësaj një task forcë është ngritur me urdhër të ministrit për të monitoruar në terren trajnimet  e kryera lidhur me cilësinë e tyre.

A pritet të rritet numri i mësuesve në trajnime? 

Sigurisht që do të rritet, sepse ky është edhe qëllimi ynë. Sa më shumë mësuesi të zhvillohet profesionalisht aq më cilësor do të jetë ai në punën e tij.

Sa kredite i nevojitet çdo mësuesi në një vit?

Një mësues duhet të zhvillojë 3 ditë trajnimi në vit që do të thotë 18 orë trajnimi në vit apo 1 kredit.

Përveç krediteve çfarë kriteri tjetër plotësues do ta rendiste një mësues si më të mirin? 

Sigurisht rezultatet e nxënësve. Standardet e mësuesit kanë përcaktuar qartazi se çfarë kompetencash duhet të zotërojë mësuesi për të qenë një mësues cilësor dhe efektiv në punën e tij. 

Kur përfundojnë trajnimet e këtij viti dhe a do të ketë të tilla në vitet që do të vijnë? 

Trajnimet janë të vazhdueshëm, janë pjesë e punës sonë. 

Po për mësuesit ndihmës a janë caktuar trajnime specifike? 

Po edhe për mësuesit ndihmës do të ketë trajnime sidomos për nevojat e nxënësve me aftësi të kufizuara. Kjo do të realizohet jo vetëm nga IZHA, por edhe në bashkëpunim me universitete  dhe organizata të tjera.  

Pak kohë më parë nga ana e Ministrisë së Arsimit është folur edhe për rëndësinë e shkollës për drejtuesit e shkollave, më saktë për diplomimin e tyre. Në cilën fazë gjendeni për këtë? 

Në hartimin e akteve ligjore dhe nënligjore. 

Nanila Biçaku

© Portali Shkollor – Të gjitha të drejtat e rezervuara. Ndalohet kopjimi pa lejen tonë.

Subscribe to Our Newsletter
Subscribe to our newsletter to get our newest articles instantly!
[mc4wp_form]
TAGGED:gerti janaqitrajnime
Share This Article
Email Copy Link Print
Previous Article Si të ndërtoni marrëdhënie më të mira me nxënësit
Next Article Aktivitetet sportive për fëmijët tuaj
Leave a Comment

Leave a Reply Cancel reply

Your email address will not be published. Required fields are marked *

  • Portali shkollor
  • > Redaksia
  • > Termat e përdorimit
  • > Pyetje të shpeshta dhe ndihmë
Kontakt

> (+355) 04 231 9002
> info@portalishkollor.al
> Autostrada Tiranë-Durrës, km 4

> (+355) 04 231 9002
> info@albas.al
> Autostrada Tiranë-Durrës, km 4

Facebook Youtube Instagram
www.albas.al
www.librarialbas.al

2025 © albas group

Welcome Back!

Sign in to your account

Username or Email Address
Password

Lost your password?