Portalishkollor
  • SHQIPËRI
  • KOSOVË
  • MAQEDONI E VERIUT
Hyr
Regjistrohu
  • Mësuesi
    Kategori
    Metoda mësimdhënieje
    Ligje dhe udhëzime
    Zhvillimi profesional
    Profile
    Podcast
    Youtube
  • Nxënësi
    Kategori
    Provime klasa 5-të
    Provime klasa 9-të
    Matura
    Profile
    Ushtrohu
    Provo veten (Google forms)
    Argëtim
    Krijimet e mia
    Unë pyes
    Podcast
    Youtube
  • Prindi
    Kategori
    Ushtrohu me fëmijën
    Pyes për fëmijën
    Informacione të dobishme
    Prindërimi
    Podcast
    Psikologji
  • Pas Shkolle
    Kategori
    Këshilla
    Kuriozitete
    Jeto shëndetshëm
    Lojëra
    Kulturë
    Teknologji dhe shkencë
    Fjala juaj
    Rregullat gjuhësore
  • Albas
    Kategori
    QTPA
    Botimet
    YouTube
  • platforma Albas e-libër
Reading: “Biblioteka ime, universi im”, ese nga nxënësi Aleksandër Xhembulla
Share
PortalishkollorPortalishkollor
Font ResizerAa
Search
  • Home
    • Home 1
    • Home 2
    • Home 3
    • Home 4
    • Home 5
  • Categories
  • Bookmarks
  • More Foxiz
    • Sitemap
Follow US
© 2022 Foxiz News Network. Ruby Design Company. All Rights Reserved.
Krijimet e miaNxënësi

“Biblioteka ime, universi im”, ese nga nxënësi Aleksandër Xhembulla

portalishkollor
Last updated: February 5, 2025 9:15 am
portalishkollor
Share
SHARE

“Biblioteka ime më ka zhveshur nga gabimet, më ka lartësuar. Sa më thellë rrëmoj në mesin e tyre, aq më harmonikë bëhen tingujt, aq më e bardhe drita, aq më i pasur unë”, pak nga shkrimi me mesazhe të mrekullueshme për rëndësinë e librit dhe leximit të nxënësit Aleksandër Xhembulla.

Të lexosh libra është një dhuratë për mendjen, kënaqësi për zemrën e detyrë për shpirtin. Njëlloj si një detar i shquar që ka detin hajmali, e njëlloj si luftëtarët sypatrembur që hedhin guximin në parzmore, ashtu edhe bota ime e qetë, shpëtimin e gjen tek biblioteka, një bibliotekë e veçantë, një botë e pafundme e fshehur në kanata guri, një univers mbi universe, një shtëpi për mua. 

Në një mbrëmbje shiu të imët prilli, e gjej veten në studio, pranë atyre shufrave të drurit, që të kishin gojë, do të më falenderonin për thesarin që ruajnë. Pikat e shiut trokëllijnë në xham, ngadalë e pa ndalim. Tek hap dyert e bibliotekës sime, një rreze drite pasqyrohet tek sytë. Nga të ketë ardhur vallë? Mos ishte qielli hijerëndë që mposhti retë? Jo! Është brendia, është drita në këta libra. Gjeniu i Homerit, revolucioni i Niçes, historia e atyre që s`janë më e ëndrrat e atyre që s’rrojtën kurrë. I mahnitur ndërmarr udhëtimin në këtë parajsë. Nga një qoshe e raftit më buzëqesh Dante Aligeri, porsa unë i vetmuar si ai, po ndjek këtë rrugëtim. 

Thonë se leximi bashkon shpirtra, është tingulli hyjnor i heshtjes, që të lejon të kuvendosh me heronj, të mësosh nga profetë. Ç`do të dija për këtë botë të ashpër pa librat e mi, pa mësuar guximin e Augustit, mprehtësinë e Odisesë, gabimet e Napoleonit, botën e tretur në shtypje, pjellën reale të Oruellit? Nuk do të njihja historinë e lavdishme të kësaj toke mëmë e do qëndroja i lëkundur mes virtytit e mëkatit. 

Biblioteka ime më ka zhveshur nga gabimet, më ka lartësuar. Sa më thellë rrëmoj në mesin e tyre, aq më harmonikë bëhen tingujt, aq më e bardhe drita, aq më i pasur unë. Për njeriun e denjë, të lexosh dhe të jetosh janë dy anët e monedhës së jetës, të pandashme, pafundësisht në simbiozë. Me një libër në duar, unë shoh pasqyrën e një jete, frytin më të plotë të një shpirti të ëmbël. Andaj në universin tim, Kafka largon çdo krijim bosh, çdo fjalë të përulur, çdo shkronjë për të cilën shkrimtari ka lindur e ka vdekur.

Tek bëj të shkëputem prej tij, qoftë për një çast, e ndiej vetminë, shiu vijon të zymtojë oborrin tim, pa e ditur që në të fshihet një oaz ëndrrash. Secili libër një oqean letrar, antik, romak, viktorian, klasik, romantik, modern. Unë, veçse një kokokrrizë rëre në gjithësinë e tyre, unë vetëm mund të shpresoj se një ditë mund të jem i denjë i të qënit pjesë e saj. Ajo do të jetë dita, kur universi im të më tregojë pasqyrën e vërtetë dhe shpirti im të jetojë me shkrimtarët, me heronjtë e mi dhe emri e kujtimi im të jetë i gdhendur diku, në pritje për dritën e tij në pafundësi.

Shkruar nga Aleksandër Xhembulla, shkolla “Ernest Koliqi” 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.

Subscribe to Our Newsletter
Subscribe to our newsletter to get our newest articles instantly!
[mc4wp_form]
TAGGED:aleksander xhembullabiblioteka imeese
Share This Article
Email Copy Link Print
Previous Article 22-23 prill, fundjavën më cool në Tiranë do të mund ta kaloni në librarinë Albas
Next Article Provimi i licencës 2023, lista e kandidatëve Gjuhë Shqipe dhe Letërsi
Leave a Comment

Leave a Reply Cancel reply

Your email address will not be published. Required fields are marked *

  • Portali shkollor
  • > Redaksia
  • > Termat e përdorimit
  • > Pyetje të shpeshta dhe ndihmë
Kontakt

> (+355) 04 231 9002
> info@portalishkollor.al
> Autostrada Tiranë-Durrës, km 4

> (+355) 04 231 9002
> info@albas.al
> Autostrada Tiranë-Durrës, km 4

Facebook Youtube Instagram
www.albas.al
www.librarialbas.al

2025 © albas group

Welcome Back!

Sign in to your account

Username or Email Address
Password

Lost your password?