Portalishkollor
  • SHQIPËRI
  • KOSOVË
  • MAQEDONI E VERIUT
Hyr
Regjistrohu
  • Mësuesi
    Kategori
    Metoda mësimdhënieje
    Ligje dhe udhëzime
    Zhvillimi profesional
    Profile
    Podcast
    Youtube
  • Nxënësi
    Kategori
    Provime klasa 5-të
    Provime klasa 9-të
    Matura
    Profile
    Ushtrohu
    Provo veten (Google forms)
    Argëtim
    Krijimet e mia
    Unë pyes
    Podcast
    Youtube
  • Prindi
    Kategori
    Ushtrohu me fëmijën
    Pyes për fëmijën
    Informacione të dobishme
    Prindërimi
    Podcast
    Psikologji
  • Pas Shkolle
    Kategori
    Këshilla
    Kuriozitete
    Jeto shëndetshëm
    Lojëra
    Kulturë
    Teknologji dhe shkencë
    Fjala juaj
    Rregullat gjuhësore
  • Albas
    Kategori
    QTPA
    Botimet
    YouTube
  • platforma Albas e-libër
Reading: Mënyra të shkëlqyera për të ndihmuar fëmijët hiperaktivë të mësojnë
Share
PortalishkollorPortalishkollor
Font ResizerAa
Search
  • Home
    • Home 1
    • Home 2
    • Home 3
    • Home 4
    • Home 5
  • Categories
  • Bookmarks
  • More Foxiz
    • Sitemap
Follow US
© 2022 Foxiz News Network. Ruby Design Company. All Rights Reserved.
Këshilla

Mënyra të shkëlqyera për të ndihmuar fëmijët hiperaktivë të mësojnë

portalishkollor
Last updated: January 13, 2022 12:10 pm
portalishkollor
Share
SHARE

Me këto teknika mësimore argëtuese, ju mund t’i bëni nxënësit hiperaktivë të përqendrojnë gjithë energjinë e tyre në drejtimin e duhur.

Nxënësit hiperaktivë janë kërkues, por a do të thotë kjo që ju të hiqni dorë prej tyre? Sigurisht që jo! Kur u afroheni nxënësve hiperaktivë në mënyrën e duhur, kjo mund të kthehet në një përvojë të bukur motivimi dhe respekti të ndërsjellë. 

Fëmijët hiperaktivë thjesht kanë nevojë për më shumë vëmendje. Shumica e fëmijëve janë aktivë nga natyra, por fëmijët hiperaktivë janë gjithmonë në lëvizje, duke kërcyer nga një aktivitet në tjetrin. Ata kanë vështirësi t’u kushtojnë vëmendje mësimeve kur përdorni metoda tradicionale të mësimdhënies.

Kjo është arsyeja pse ju duhet të prezantoni strategji të tjera që do të angazhojnë nxënësit hiperaktivë në nivelin e tyre. Lajmi i mirë është se këto metoda e bëjnë procesin mësimor edhe më argëtues.

1. Mësojini si të relaksohen

Hulumtimet e fundit zbuluan se programet dhe teknikat e ndërgjegjes japin rezultate të dobishme në klasë. Një shkollë e mesme nga Nju Jorku prezantoi një program joga në vitin 2016. Nxënësit që morën pjesë kishin një notë mesatare më të lartë në krahasim me grupin e nxënësve që nuk praktikonin joga.

Nuk ka të bëjë vetëm me notat. Një tjetër studim hulumtues mes nxënësve të shkollave të mesme tregoi se joga ndihmonte nxënësit të kontrollonin emocionet e tyre.

Për një fëmijë hiperaktiv, joga do të thotë të ndiesh situatën aktuale në trup dhe mendje dhe të bëjë paqe me të.

Meditimi stërvit mendjen të lërë mënjanë shpërqendrimet dhe të jetë i pranishëm në momentin aktual. Nëse mendoni se nxënësit tuaj janë shumë të rinj ose shumë të pavëmendshëm për meditim, mund të filloni me teknika të thjeshta të frymëmarrjes dhe relaksimit. Ato gjithashtu çojnë në një gjendje mendore të përqendruar.

Së pari, ju duhet të dini se si të zbatoni relaksimin dhe frymëmarrjen në një klasë. Gjeni një instruktor të mirë në zonën tuaj dhe ftojeni në klasë që të udhëheqin një seancë të shkurtër relaksi. Bisedoni me ta rreth mësimit të teknikave të relaksimit dhe frymëmarrjes te fëmijët. 

Kombinoni teknikën e relaksimit me imazhe pozitive vizuale. Shumë atletë mbështeten në vizualizimin për të përmirësuar performancën e tyre. Meqenëse keni të bëni me nxënës hiperaktivë, thuajuni të imagjinojnë një skenë qetësuese, si një kopsht, plazh ose një pyll të qetë.

2. Inkurajoni të mësuarit praktik

Nxënësit hiperaktivë mësojnë më mirë kur janë të përfshirë në proces. Nuk mund të presësh që ata të ulen të qetë në tavolinën e tyre, të dëgjojnë mësimin dhe të bëjnë një test. Kjo është shumë sfiduese për ta. Të bësh është gjithmonë më mirë se të dëgjosh, kështu që ju mund ta transformoni punën e tyre në një aktivitet mësimor.

Kërkojuni të vizatojnë ilustrime për një libër që është pjesë e kurrikulës. Kjo është një mënyrë e mirë për të mësuar tregimin.

Mësuesit shpesh këshillojnë prindërit që të praktikojnë mësimin praktik me fëmijët e tyre. Pse të mos merrni këshillat tuaja? Në vend që të mësoni shkencën në klasë, gjeni shkencën jashtë mureve të klasës herë pas here.

3. Lejojini ata të lëvizin

Fëmijët hiperaktivë, sipas definicionit, kanë vështirësi të qëndrojnë në një vend. Është torturë për ta të qëndrojnë shumë gjatë në tavolinën e tyre. Këta nxënës janë nxënës kinestetikë. Kjo nuk është një gjë e keqe. Është një mundësi për ju që të futni metoda të reja në rutinat tuaja arsimore që adresojnë atë stil të të mësuarit.

Kthejeni orën e historisë në një projekt aktrimi. Çdo nxënës merr një rol dhe ata interpretojnë skena nga mësimi. Ju mund të jeni tregimtari, duke futur data dhe fakte në dramë. Do të jetë shumë më e lehtë për ta të kujtojnë informacionin kur ta mësojnë atë përmes lojës aktive.

Kur doni të pyesni diçka, hidhini butësisht një top nxënësit në vend që t’i drejtoheni atij ose asaj me emër. Është një aktivitet i thjeshtë që shton argëtimin në diskutime.

Pas gjysmë ore qëndrimi ulur në tavolinat e tyre, shpërblejini nxënësit tuaj duke i ftuar të ngrihen në këmbë, të shtrihen dhe të përfshihen në një pushim kërcimi njëminutësh.

4. Mësojini ata të jenë të dobishëm

Fëmijët hiperaktivë duan dhe kanë nevojë të lëvizin. Inkurajoni nxënësit tuaj që të jenë përgjegjës për pastrimin e klasës. Mësojini se është pjesë normale e ditës së shkollës.

Thoni: “Hej, le ta pastrojmë klasën së bashku!” Bëjeni atë një thirrje për veprim. Mund t’i ndani në grupe: njëri grup do të pastrojë tavolinat, grupi tjetër do të mbledhë mbeturinat nga dyshemeja dhe grupi i tretë do të organizojë sendet e klasës. Rrotulloni grupet gjatë gjithë muajit, kështu që të gjithë do të arrijnë të bëjnë gjithçka.

Këto punë të thjeshta u japin nxënësve tuaj një ndjenjë përgjegjësie dhe do të djegin energji të tepërt gjatë procesit. Rezultati përfundimtar? Nxënësit do të jenë më të qetë për pjesën tjetër të ditës.

Cilatdo metoda që vendosni të përdorni, mbani mend: Fëmijët hiperaktivë janë thjesht fëmijë. Ata nuk mund të jenë seriozë dhe të ndjekin udhëzimet gjatë gjithë kohës. Hapi i parë drejt zgjidhjes së problemit është i thjeshtë: Mësuesi duhet të ndalojë së qeni shumë serioz. Me teknikat argëtuese të mësimdhënies, ju mund t’i drejtoni nxënësit hiperaktivë që të përqendrojnë gjithë atë energji në drejtimin e duhur.

Era Baliu

© Portali Shkollor – Të gjitha të drejtat e rezervuara. Ndalohet kopjimi pa lejen tonë.

Subscribe to Our Newsletter
Subscribe to our newsletter to get our newest articles instantly!
[mc4wp_form]
TAGGED:ALBASfemije hiperaktivemenyra per te mesuarsi ti ndihmojmeteknika
Share This Article
Email Copy Link Print
Previous Article Bashkëpunimi me prindërit rrit sigurinë e fëmijëve në përdorimin e internetit
Next Article Mënyra të shkëlqyera për t’u ndihmuar fëmijëve hiperaktivë të mësojnë
Leave a Comment

Leave a Reply Cancel reply

Your email address will not be published. Required fields are marked *

  • Portali shkollor
  • > Redaksia
  • > Termat e përdorimit
  • > Pyetje të shpeshta dhe ndihmë
Kontakt

> (+355) 04 231 9002
> info@portalishkollor.al
> Autostrada Tiranë-Durrës, km 4

> (+355) 04 231 9002
> info@albas.al
> Autostrada Tiranë-Durrës, km 4

Facebook Youtube Instagram
www.albas.al
www.librarialbas.al

2025 © albas group

Welcome Back!

Sign in to your account

Username or Email Address
Password

Lost your password?