Ndër pasionet e mësues Gëzim Dalliut është edhe shkrimi i poezive. Sjellim dy krijime të tij, dedikuar ndjenjës së dashurisë “Dashuria tund malet” dhe “Më more…”
Dashuria tund malet
Dashuria tund malet,
lind nga shpirti dhe buron.
Si një lumë ajo s’ndalet
të gjithë trupin e përshkon.
Lind vetiu si yll nate,
shkëlqen Dielli,hedh rreze.
Të ngjit vrap, në monopate,
është si zjarri, sapo ndeze.
Mbush gjoksin plot me erë.
tërë natën të rri ndër sy.
Porsi flutur në Pranverë,
bashkon zemra, vetëm dy.
Më more…
Më more sytë, më verbove.
si rreze Dielli në ditë vere.
Nuk e di si ylber ndriçove,
erdhe flutur si ditë pranvere.
Më more zemrën, më copëtove,
më dehu era si aromë trëndafili.
Me more mendjen, më shërove,
në sy u pikturove si lule Prilli.
Më more ëndrrën dhe notove,
mes dallgëve ku kisha rënë.
Zgjate dorën më shpëtove,
fjalën magjike duke të thënë.
Nga Gëzim Dalliu, shkolla 9-vjeçare Shezë Peqin
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
